Custom Module
Weblog
Thursday, 04 October 2007
-
今日好混亂.....
一個無聊問題:
假設你有三蚊响身,而有:1.家人,2.老婆,3.朋友,4.自己
你會唔分俾邊個?
答案係.......
如果你答唔分俾家人-你對唔住你老豆老母..........
如果你答唔分俾老婆-你無情..........
如果你答唔分俾朋友-你無義............
如果你答唔分俾自己咩?你虛偽!!!!!!!!!!!!
呢個社會就係咁,你既能力係無可能做到照顧所有人,你點選擇都係錯既,所以至會有人選擇一蚊都唔分俾人,自己袋哂,但係呢種做法呢,就俾人叫做自私.........
咁係咪代表自私呢樣野係社會既錯呢?
我今日諗左呢個問題好耐.....但係我好清楚我係一蚊都無..............
Sunday, 30 September 2007
-
昨日,今日..........明日
回想昨日
我地三兄弟一同度過的日子,從最底,最受欺壓,最艱辛做起,當時一點也不覺得辛苦,再多的工作,身心也夠疲累了,但是一邊唱歌,作故仔,惡作劇,令我們喜歡工作.........起於我們的熱誠,在身邊所有人眼中我們由同事成為好朋友,由好朋友成為好兄弟,大家都不貪功,不計較,彼此養成了一份深厚感情....哈,辛苦勞動了一整天,收工一起去吃飯,喝酒,再累了也不會去想請假,不想將工作加重到對方身上,動力不是在於工作,而是在於為對方設想......在極度功利,虛偽,爾虞我詐的工作環境中,我們一同堅持自我,不埋會他人戴着多厚的面具,我們以工作為先,開始得到認同........亦不理會別人中傷,因大家了解對方,了解.......真的很了解.......
到了今日
因為工作需要,我們三人被分派至三個部門,但因為仍是同一公司,仍然可以互相幫忙,感情依然化不開,但陣線分散了,有視我們為眼中釘的人,一次又一次攻擊你,你終於被人擊破了......最後一星期的同伴,今天已經要結束了,只剩我們兩人........最後一次以同事身份吃飯喝酒,唱歌至天亮,此情此景,沒有不快或捨不得,因為我們也知道,我們是兄弟........
笑望明天
或許你走了我們會有不習慣,我們再也歡笑不起來,但人生還是要繼續,祝你有個好的新開始,我們終有一日會再一起並肩作戰...........
Wednesday, 26 September 2007
-
第四及第五作:命運,突擊自由
呢兩隻都係送俾人既生日禮物,而我正因為受左前三作既教訓,所以就買左噴泵同筆(係兄弟們大手筆送既,計埋抽油箱同埋焗油箱,氣喉水隔加埋大拿拿三仟五佰大元)多謝哂
而我係砌左隻命運先既,所以我第一次用筆既成品就咁就俾左衰妹(我個妹)..........其實都只係當佢白老鼠啫..........
而另一隻突擊自由就係送俾佢朋友既.........兩隻都係主角機,但係明顯地隻命運真係型過隻突擊自由,都唔知b記點做野既(衰妹條氣順哂啦.....)佢地兩個係朋友,但係我送俾佢地既模型居然係敵對既...........無計啦,果陣時果兩隻野係最hit既....
希望你地會真係喜歡,珍惜我既心機啦
我既第一次就咁就俾左你嘞衰妹..........
講番兩隻野.....
話哂係第一次,又橫掂係白老鼠,所以試吓唔噴底灰,發現d砂紙紋唔係咁易蓋過,噴左好多"沉"(下次唔敢嘞),而又唔識開油,只係開左一比二既thinner,所以响d鬼鼠位發現有粗粒,又要用1500砂紙磨番滑,噴左主色之後發現"賴"左野,我未試過用遮蓋膠紙,嘩!!大碌,一邊噴d膠紙邊一路係咁飛起!!meet起d膠紙仲大鑊,條邊高底級........卒之都係用番必殺技.....双星油......而隻突擊自由我仲好大膽咁試噴高光!!效果需然唔係好好,但總算踏出左第一步...仲第一次滲線添...
果陣時我係去左club gathering度砌既,發現原來一班人一齊砌模型係好過癮架,之後就出左個大風波嘞...
Monday, 24 September 2007
-
第三作pg突擊
呢隻係我老婆大人買俾我既生日禮物
買果陣時因為係新品,真係覺得引黎唔少羨慕既目光,妒忌死d細路(虛榮精)
但係返到屋企發現個頭開始痛,嘩!!痴線架!?咁多parts既
但係又驚老婆大人以後唔買,唯有表面笑口噬噬,內心炒蝦拆蟹咁開始砌啦.......(做人就係咁假架喇)
又講番呢隻野...
呢隻野簡直係痛苦之作:
痛苦1:好多件..........砌左成兩個月,噴都噴左半個月
痛苦2:駛左成千蚊買噴罐(專用色,力架,底灰)
痛苦3:未識滲線,用marker畫到出哂界,之後又要番噴
痛苦4:谷鬼氣五舊水賣鬼左
因為佢,我又踏入模型生涯既另一轉捩期.................
Sunday, 23 September 2007
-
第二作回禮
呢一隻作品見証住一段"友誼"既終結................
由我歡天喜地咁收到生日禮物講"多謝"開始...........
到花時間完成送番生日禮物俾佢講"唔鍾意都千祈唔好掉"結束..........
做左一年朋友,歡笑聲中開始,無聲中疏離......
現在大家見面點頭招呼,但做事機關算盡,鬥過你死我活.......
現實生活中仲會唔會有漫畫,劇集中無私奉獻既永固友誼呢?是否利益同朋友不能共存呢?仲有無兄弟手足可以有福同享,有禍同當呢?事實係只要你朋友銀包多你一蚊,可能已經成為決裂既導火線.......其實友誼可能比唔上一蚊......
講番件成品............
呢隻SD WING我用左兩個禮拜完成(手腳好慢),用番WGZC既顏色做番一模一樣(一樣咁差)...........發覺原來SD都幾型,幾好玩.........
唔知佢今日仲係咪在生呢?定係收到果一刻已經去左垃圾桶呢?
Chatboard (0)